¬ . . هَيهَـاتْ ! ينسَى القَلب , شخصٍ لَعبْ بَه !

[فْنتَآستِكك .. !]

البارحة ربي كتب لي ومريت ..
..دربٍ عليه بروق الأحباب لاحت

جيت المكان اللي جمعنا وخفيت ..
.. وقامت جروحي للجوارح وصاحت

ياليتني في لفة الدرب زليت ..
.. كان العيون من الدموع استباحت

التم غيم الدمع من يوم لفيت ..
.. وورقا القصيد لشوفة الغيم ناحت

وضحكت ماأبغي الناس تدري يبالفيت ..
.. لكنها غصبٍ على العين ساحت

حارت دموعي في عيوني وصديت ..
.. وأرمشت مابيها تبين .. وطاحت

وعقبه برق في العين براق .. واسقيت ..
.. خدي ووناتي بصدري تلاحت

وأنا أحسب إني في فراقه تشافيت ..
.. وان عبرتي من مدخل الزاد زاحت

اللي يحسب إني على البعد سجيت ..
.. والا ان عيوني للرقاد استباحت

ياليتني من قبل لا أحبه اقفيت ..
.. والا ان دروبي عن دروبه تناحت

أهون علي من البكا والتناهيت ..
.. وأشلا من سدودٍ على الناس باحت

عرفت كيف الحي يفرق عن الميت ..
.. وعرفت قيمة نعمتي يوم راحت

قولوله اني عقب بعده تدانيت ..
.. ورجلي عن دروب المعافين شاحت

البعد نار وطاعة العذل كبريت ..
.. يقصر على بعده .. ترى الكبد فاحت

الله يـجــازي مــــن يــســوي ســواتــك
وبـذنـوب مــن ســوى سـواتـك يجـازيـك
مـشـيـت درب الـثـقــل وتــحــب ذاتــــك
مــاتـــدري إنـــــه لـلـمـهـالـك يــوديـــك
وغـــرك جـمـالــك واخــســارة حــلاتــك
مـاتــدري إن مـاغـيــر طـبـعــك يـحـلـيـك
بـتـقــول زيــنـــك يـشــفــع لـسـيـئـاتـك
الحسـن ماهـو عـن وفــا الـحـب يعفـيـك
لـــو الـتـواضـع والـوفــا مـــن سـمـاتــك
بـعـت الحبـايـب كلـهـم ديـــن وأشـريــك
لــكــن عــجـــزت اغــيـــرك يـاجـرائـتــك
عـلـى الغـيـاب الـلــي بـلاعــذر ينـجـيـك
خطـاي فـي توضيـح ويـش هـي غلاتـك
وخطاك فـي توضيـح ويـش هـي تغليـك
وشـلـون توصـيـنـي وتـنـسـى وصـاتــك
وتــصــد عــــن صوتـا"تـقـطـع يـنــاديــك
مــافــادك الـتـجـريـح والــعـــذر فــاتـــك
وتـبـي رضـــى الـحـيـن مـعــاد يـمـديـك
صـحـيـح أحـبــك بـــس هـــذي جـزاتــك
بـعـلــمــك درسـا"يـفــيــدك ويـحـيــيــك
تدري ويش أبيض من خفوقك؟!( عباتك.)
وتدري ويـش اللـي غرنـي نظرتـي فيـك
أدري وتـسـتـغــرب تــصــبــر وجـــاتـــك
قـصـيـدة" مـــن واحـــد كــــان يـبـغـيـك
وتبـغـي تنـاظـر وأنــت عـايــش مـمـاتـك
شـوف وحدتـك والنـاس تجلـس حوالـيـك
وتبغى تشوف اشجـع رجـل فـي حياتـك
شوفنـي وانـا مقفـي علـى كثـر مغليـك

(يامؤمن الريفي )انا جيتك زبون..
.. جيتك على مدح اكثر الناس وعنيت


جيت وتعالى الله عمّا يشركون..
.. لولاه (يامؤمن) لطبك ما اهتديت


راضي بحكم الله علي مهما يكون..
.. عالج عيوني لو بعد طبك عميت


ودي اخاشر فالبصر من يبصرون..
.. واشوف دربي لا سرحت ولا ضويت


والى قنصت اثبت مع اللي يثبتون..
.. واشوف طيري كل ما اوميت ودعيت


ياااكثر ما يضرب خويي (الطابلون)..
.. من كثر ما اكلّته مطباات وكليت


وودي اشوف اللي علي يعرضون..
.. وبعض الليالي ودي اسري دون ليت


وااشوف ناس ٍ فالقفا ما يرحمون..
.. اما وقفت لصاحبي والا مشيت


من دون نظاره ولا هم يحزنون..
.. يااا كثر ما كسّرت كشمات وشريت


لكنٌ يا دكتور جعلك ما تهون..
.. ابغيك كلمت راس دامك ما بديت


اسمع......ولا ابغي اللي وزانك يسمعون..
.. ربي كتب يكشف لك اسراري وجيت


صورة عديل الروح عندك فالعيون..
.. واخاف تقطعها بموسك ما وعيت


ولا عليك امر..اطوها تحت الجفون..
.. وعقبه لو تقطع عيوني ما شكيت


هي راس مالي والعرب ما يدركون..
.. اني على باب الممات و ما حكيت


ياقو قلبي يوم قفن الضعون..
.. اللي على ذاك الموادع ما بكيت


ويا صبر صبري والعواذل يحسبون..
.. اني دلهت من الهوى والا سليت


اسكت عساهم من سكاتي يسكتون..
.. وانا عن اللي في ضميري ما انتهيت


وادور الفرحه مع اللي يسهرون..
.. وان ذكروني خذت فنجال وسريت


اخذت من وقتك يا دكتور العيون..
.. عالج عيوني لو بعد طبك عميت


واستر علي واللي معك لا يفطنون..
.. انت الوحيد اللي بعد ربي دريت

لا ضاقت الدنيا عليك وتشاويت ..
.. خلق الله اللي فالرخا كان واجد


ومن العرب والصوت والثوب مليت ..
.. وقامت عليك هموم بأقعا تراجد


فارفع يديك لخالقك لا توضيت ..
.. وادعو تراك أقرب إليا صرت ساجد



ووقت من أوقاتك للأوقات توقيت ..
.. وسجل لنفسك في المساجد تواجد


وأبشر بفزعة حامي الدين والبيت ..
.. إليا هجدك من الهواجيس هاجد


اللي يميت الحي ثم يحيي الميت ..
.. لرضاه شف كثر البشر بالمساجد



برب

[فْنتَآستِكك .. !]

بآك

الضيقة اللي دايمٍ تالي عصير ..
.. وش حيلتي وأردها لا تجيني

لا طال ظل العود حزة عشى الطير ..
.. كنها على سجن الحديد تحديني

يضيق صدري كل ما جات وأسير ..
.. ولايخفف سوج رجلي حنيني

لا حولنا مشراف ولا اقدر اطير ..
.. يالله قمسة خير لا تبتليني

وعقارب الساعة توقف عن السير ..
.. ولاكن في الدوحة سواتي حزيني

والعبره اللي تاصل الحلق وتحير ..
.. يا قربها لو قيل لي يا عويني

أمل شوف الناس ورد ومصادير ..
.. واللي يقول اشفيك كنه يهجيني

يعني على ما قيل من باب تصوير ..
.. (لاحدٍ أبي قربه ولا أحدٍ يبيني)

أروح أدور خط مابه دواوير ..
.. وأدور اللي هادها تهتديني

وآخذ مع الهاجوس سجة وتفكير ..
.. وأراجع اللي فات بيني وبيني

وأحسب ذنوبي وأدور التكفير ..
.. عساي ما قصرت في والديني

وعساي ما قارنت من ينفخ الكير ..
.. واللي يحمل المسك جعله قريني

ويطري علي يوم الحشر وأطلب مجير ..
.. ما أعطى كتابي في شقيقة يميني

ويطري علي صدقان كثر الدنانير ..
.. اللي اتعاديني إلا كثر ديني

وراعي الهروج اللي سوات المناشير ..
.. أصد عنه وأدري انه يعنيني

الله حسيبه يوم عرض القواوير ..
.. والله حسبي من صواب مكيني

وإلا طرالي واحد كانه اصغير ..
.. أم أصغر بيومين ولا سنيني

دريت وش قومي وعينت تفسير ..
.. للضيقة اللي من زمن تعتليني

حبه بصدري سالفة سر في بير ..
.. وكن الفواد يقول هذا زبيني

أشفق على علمٍ يجي منه من غير ..
.. لا يسمع اللي سولفوا به ونيني

يا كثرهم غيرهم ولكن خبر خير ..
.. ما غير شوفه في الوجود يهنيني

رايي كذا يا عاشقين الغنادير ..
.. ماله على وجه البسيطه وزيني

العام أجيهم من حساب المسايير ..
.. واليوم حال عداي وينه وويني

خطاي تعليق الأمل في المدابير ..
.. الين راح وشفت حقري بعيني

صبرٍ جميل وخابر إنه مقادير ..
.. والله على تخفيف حزني عويني

ذي حالتي لين اتغبا الشمس واصير ..
.. معطى سراحي عقب مانا سجيني

واذا امتلى جوف الشجر بالعصافير ..
.. طلبت من رب العباد يهديني

يعتقني المذن عقب ضيقة عصير ..
.. اللي على سجن الفراق اتحديني

ماجور ياللي من فراقك تعلمّت
إن الزمن يومين طيّب .. وخيّب

فاجئتني بمفارقك ماتولـمّت
كذا بدون أسباب عني تغيّب

مامت من فرقاك لكن تألـمّت
وشيّبت بي ياصاحبي قبل اشيّب

ولولا السحا من عاذلي ما تلعثمت
طاولته اللي في يدي من قريّب

اضحك و اسولف وإن لحقني سهر نـمّت
لكن ورب البيت ماني بطيـّب

اكافح اهل الشمت بالمست .. و الصمت
ومن شوفتك صدفة قعدت اتهيّب


أخاف اشوفك و أكسر الصمت .. و السمت
وادعيك تو الناس و أنا مغيّب


تدري من المخطي ولو ماتكلمت
ياللي لظني ظنتي ماتخـيّب

سولفوا تكفون لا عاد تسكتون ..
. . قبل لا أهوجس وياتيني بلاي


السكات يزود طعوني طعون ..
.. وتنكسر لا جا على راسي عصاي


سولفوا لو ما بغيتوا اتسولفون ..
.. قبل لا اقعد في الحزن رايح .. وجاي


واضحكوا لو بالعماله تضحكون ..
.. وجاملوني لو يضايقكم حكاي


لي وليفٍ راح جعله ما يهون ..
.. هو دواي وداي .. أو داي ودواي


راح لكن طيف زوله في العيون ..
. . مرةٍ قدامي ومرة وراي


وإن سكتوا جا وهو طيفه يمون ..
. . رحت أهوجس له وأبين له ولاي


مكسب عيوني من الفرقا مزووون ..
. . تمطر لطاريه .. والبرق ؟ أصدقاي


كل ما طروه لو هم يمزحون ..
.. احرموني من غداي ومن عشاي


أدري إنه ما تناسى الود كون ..
.. تسمع إذنه في قفاي اللسن عداي


وكانهم قالوا نسيته يكذبون ..
. . وإلا أنا فيه أمتلك نظرة وراي


كان حبه لي على خبري مصون ..
. . والله ان كني بقدري .. وبغلاي


ذي بقايا الحب وأطلال الجنون ..
. . والله أعلم في ضميره وش بقاي


غير طيعوني ولا عاد تسكتون ..
. . ولا والله إن أسمعكم بكاااي




.
.

لـٍ آلسسمآإء : محمد بن فطيسس آلمممري

[لا تعتذر مسموح]

صح لسانهـ وعلا شانهـ
تسلمين على القصائد
عساك على ا لقوة

ܓܨ

[Ă₥ẹẻṜ ❥ ฿ќĻṁṫỹ ≈]

قصـآإيد رووعه
الله يعطيك العـآإفييه
مـآننحرم من طرحك

ودي

[فْنتَآستِكك .. !]

ي هلآأ والله مروركم الاروووع

[‘ فِـتنَـﮧْ ♥]

-


رآئعه حد النشوه ..

مبدعه والرب ..

لكِ أرتآل من الشكر ..

ولآ تكفي ..



..

[ملكني جنونك]

رووووووعه ماوجدته هنا
تسلم يدينك على مانقلته
ماننحرم

[ƒaṫe ~]

رٍوععهَ , آلموضوعْ وصحَ آلسسآإنه

عوآفي يَ بطه

[One Direction]

عوآآفي ..

موضوع ولآ أروع كـــــلآم يشرح الصدر ..

يسلموو

[جـךּـﻮنّ بـًךּـتََ °˚]

.
.
يالبيييه هـ
كل ما خط هينآ روعه ه بحجمم آلسمآء
عوآفي و عسآك ع القوه هـ
×